Eskola Referénsia Aileu hala’o torneiu futeból 5
Eskola Referénsia husi Aileu (ERA) iha sesta kotuk hala’o torneiu futeból 5, hamutuk ho Eskola Bázika 1 Flores, Aileu Vila no ekipa husi alunu futeból 5 husi Sport Díli e Benfica (SDB).
Ne’e mak sai hanesan atividade desportiva ida tán ba tinan ida ne’e, hafoin iha tinan 2013 fó impatu pozitivu, ERA konsidera katak presiza kontinua, atu envolve alunu sira husi eskola seluk no atu partisipa no apoiu SDB.
“Atividade fízika no desportiva hirak ne’e iha efeitu pozitivu ba dezenvolvimentu labarik no joven sira iha konsimentu kognitivu, sosiál no afetivu, ho impatu ne’ebé iha ba dezempeñu eskolár nian. Rezultadu mak, ami defende atu inklui desportu eskolár (tesi ai-laran tuan, torneiu futeból, no seluk tán) iha planu anuál husi atividade eskola ne’e nian no , sei fó sai no fahe ho inan-aman sira no komunidade lokál hodi fó benefísiu atividade desportiva nian hodi dezenvolve labarik no foin-sa’e sira. Ho nune’e mak ami konvida nafatin Eskola Bázika 1 Flores – Aileu Vila no alunu futeból 5 husi Sport Díli Benfica hodi partisipa iha eventu ne’e,” dehan profesór balun husi organizasaun refere.
Grupu hirak ne’ebé envolve aan iha organizasaun no dinamizasaun husi torneiu mak Eskola Referénsia Aileu, Timor Telecom, SAPO TL no Sport Díli Benfica nu’udar patrosinadór no Eskola Bázika 1 das Flores hanesan elementu partisipativu, nune’e mós ekipa ne’ebé hahú husi Sport Díli Benfica.
Komunidade Aileu asisti ba jogu sira.
Ba SAPO TL, eskola dehan katak iha tinan oin mai sei habelar torneiu ne’e ba eskola sira seluk iha distritu.
Haree foto torneiu nian husi Eskola Referénsia Aileu
Foto: Eskola Referénsia husi Aileu no Sport Díli e Benfica
SAPO TL