Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 07.07.16

Euro2016: Timoroan sira selebra vitória Portugal nian ho festa maka'as

SAPO TL

Timoroan rihun resin maka hakilar "Viva Portugal", ho kór sira hosi bandeira portugés nian ne'ebé domina bainhira hotu jogu entre Portugal ho Wales iha estrada sira Díli nian, iha karavana naruk tebes. 


 



Foto fó hosi Mara Bernardes de Sá ba SAPO Timor-Leste


 


Ho motor, karreta, kamiaun no hamriik, família tomak hakilar "Portugal" no "Porto" (diminuitivu ne'ebé timoroan sira uza hodi ko'alia kona-ba nasaun ida ne'ebé ohin to'o final Europeu futebol 2016 nian), timoroan sira selebra vitória hanesan sira mós sira nia vitória.


 


Karavana naruk ho festa hahú kedas bainhira rona apitu final hosi jogu, hanesan situasaun ida ne'ebé ladún akontese iha Timor.


 


Ema barak halo hanoin fali karavana sira ba referendu iha tinan 1999, selebrasaun sira ne'e hahú marka dadeer iha Timor-Leste, ne'ebé iha loron-kinta ne'e hanesan loron feriadu tanba hanesan loron ikus Ramadaun nian.


 


Selesaun portugeza futeból nian tama iha loron-kuarta ne'e ba final hosi kampeonatu Europa futebol tinan 2016, bainhira halakon Wales ho 2-0, iha meia-final prova dahuluk nian, ne'ebé halo iha Lyon.


 


Cristiano Ronaldo, iha minutu 50, no Nani iha minutu 53, aponta ona golu sira hosi formasaun portugeza nian no iha loron-domingu oinmai sei halo final daruak iha nia istória, hafoin iha tinan 12 liubá lakon ho Grésia, ho 1-0, iha Lisboa iha Euro2004.


 


Iha loron-domingu, tuku 21h (oras Fransa nian), Portugal sei hasoru iha Stade de France, iha Saint-Denis, vensedór hosi jogu entre anfitriaun Fransa no detentora hosi títulu mundial Alemaña, ne'ebé sei joga iha loron-kinta ne'e.


 


ho Lusa

Comentar:

Mais

Se preenchido, o e-mail é usado apenas para notificação de respostas.