FC Barcelona hakat ba finál Taça do Rei España nian ba dala 39
Vitória iha terrenu hosi Villarreal koloka Barcelona iha finál Taça do Rei.
Foto: Jose Jordan
Jogadór Barcelona selebra golu daruak hosi Neymar ba Villarreal
FC Barcelona ohin hakat ba dala 39 iha ninia istória ba finál Taça do Rei España futeból nian hafoin manán iha Villarreal nia kampo, ho 3-1, hanesan mós rezultadu iha jogu primeira mão.
Iha estádiu El Madrigal, no hafoin manán iha Nou Camp, formasaun katalaun pratikamente destrui esperansa Villarreal atu alkansa primeira finál hosi ninia istória bainhira brazileiru Neymar marka, hafoin joga minutu tolu.
Maski nune’e, ekipa uma na’in sei halo reasaun hodi halo hanesan hosi mexikanu Jonathan dos Santos, eis-jogadór FC Barcelona, iha minutu 39, maibé buat hotu sai susar liu tan bainhira Pina hetan kartaun kinur iha segunda parte, minutu 65.
FC Barcelona, sai hanesan rekordista konkista hosi Taça do Rei ho vitória 26, aproveita vantajen numérika no ikus mai remata lolos hosi uruguaiu Suarez, iha minutu 73, no golu daruka hosi Neymar, iha minutu 88.
Agora katalaun sira hein konkluzaun hosi duelo sei meias-finais nian entre Athletic Bilbau no Espanyol, ne’ebé ohin sei simu no joga hasoru bascos hafoin empata bola ida-ida bola iha primeira mão.
SAPO TL ho SAPO Desporto