Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 02.10.19

Federasaun ingleza akuza Bernardo Silva ba komportamentu ladi'ak

SAPO TL

Portugés Bernardo Silva, avansadu hosi Manchester City, hetan akuzasaun hosi Federasaun Ingleza Futebol (FA) nian ba komportamentu ne'ebé ladi'ak ho ofensivu hasoru kolega ekipa fransés Benjamin Mendy, anunsia hosi organizmu iha loron-kuarta ne'e.

bernardo_silva_desportotl.jpg

Iha kauza maka 'tweet' ida ne'ebé Bernardo Silva publika hosi imajen Benjamin Mendy, kolega ho belun dezde sira joga hamutuk iha Mónako, bainhira sei ki'ik no akompaña ho ilustrasaun hosi boneku karakterístiku hosi marka xokolate Conguitos, ho pergunta "si'ik sé maka ne'e?".

 

FA, ne'ebé fó to'o loron 09 Outubru ba Bernardo Silva hodi hatán, alega katak komentáriu ne'e konstitui violasaun todan ida hosi nia kódigu sira komportamentu nian, tanba "inklui referénsia, hatudu ka la'e, ba rasa no kór ka orijen étniku".

 

Situasaun hamosu ona polémika, ho Asosiasaun hosi Kombate hasoru Rasizmu 'Kick Out' husu atu FA foti medida sira ho Bernardo Silva apaga lalais 'tweet' hodi lamenta katak labele iha posibilidade "halimar ho belun ida".

Iha karta, ne'ebé haruka iha loron-kinta ba federasaun ingleza, Bernardo Silva tau hamutuk depoimentu ida hosi Mendy, ne'ebé kompañeiru hosi ekipa Manchester City hatete katak la sente ofendidu.

 

FA hakerek mós ona ba Manchester City hosi husu informasaun sira ba klube.

Treinador 'citizens' nian, españól Pep Guardiola, defende ona internasional portugés, hodi refere katak hanesan "piada simples ida" entre Bernardo ho Mendy, ne'ebé hanesan belun di'ak, hodi hatutan katak hanesan sala bainhira hanoin katak 'tweet' iha baze rasista.

 

Fonte: Ajénsia Lusa

Comentar:

CorretorEmoji

Se preenchido, o e-mail é usado apenas para notificação de respostas.