Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 04.11.15

FIFA obriga Palestina hodi joga iha rai neutru

SAPO TL

Responsável palestinianu sira labele hametin kondisaun sira seguransa nian nebe presiza hodi hala'o jogu.




 


Palestina sei hasoru Arábia Saudita no Malázia iha rai neutro, fó sai iha loron-kuarta ne'e hosi FIFA, hodi hatete "razaun sira seguransa nian" hodi muda fatin ba jogu sira kualifikasaun nian ba Kampeonatu Mundu Futeból 2018 nian.


 


Desizaun ne'e foti hafoin reuniaun ida entre tékniku sira seguransa FIFA nian no elementu sira hosi autoridade lokál sira, loron ida hafoin Arábia Saudita informa katak organizmu reguladór hosi futeból mundiál katak sei falta iha jogu nebe marka ba loron-kinta, iha Ramallah.


 


FIFA esplika liuhosi komunikadu katak razaun rekua hosi desizaun hodi halo jogu iha Ramallah maka laiha kapasidade hosi responsável palestinianu sira hodi "hametin kondisaun sira seguransa nian nebe presiza hodi hala'o jogu".


 


FIFA antes rejeita pedidu hosi Arábia Saudita, nebe hatete "sirkunstánsia exepsionál sira" hodi husu realizasaun iha fatin neutru hosi enkontru entre selesaun rua, nebe antes marka tiha ba loron 21 fulan-Outubru, maibé adia tiha ba loron 05 fulan-Novembru.


 


Partida ho selesaun saudita agora marka ona ba loron 09 fulan-Novembru, loron tolu antes joga ho Malázia, nebe sei disputa iha loron 12 fulan-Novembru, loron nebe previstu antes, halo Palestina tenki hetan fatin neutru ida nebe bele hala'o enkontru sira ne'e.


 


Palestina aseita ona muda ordem hosi jogu sira Grupu A nian ba apuramentu - nebe integra mós Timor-Leste -, tanba tenki joga uluk iha uma, iha fulan-Juñu, maibé hatán hodi ba joga ida sidade saudita Jeddah, nebe lakon ho 3-2.


 


@SAPO Desporto

Comentar:

Mais

Se preenchido, o e-mail é usado apenas para notificação de respostas.