Futebolista João Félix manán "Golden Boy" tinan 2019 nian
Internasional portugés João Félix, ho tinan 20, manán iha loron-kuarta ne'e 'Golden Boy' 2019 nian, prémiu hosi jornal italianu Tuttosport ne'ebé distingi futebol di'ak liu ne'ebé seidauk iha tinan 21.
Félix, ne'ebé iha veraun troka Benfica ho Atlético de Madrid ho osan euro millaun 126, simu votu hamutuk 332, hasoru inglés Jadon Sancho hosi Borussia Dortmund, ho pontu 175 no hosi alemaun Kai Havertz, hosi Bayer Leverkusen, ho pontu 75.
"Obrigadu Tuttosport ba prémiu Golden Boy tinan 2019, ha'u senti orgullu tebes. Hanesan ba dala rua maka jogador ida hosi Atlético de Madrid hetan rekoñesimentu ne'e [Agüero, iha tinan 2007], ha'u senti haksolok. Obrigadu mós ba Benfica no liuliu ba treinador Bruno Lage, ba buat hotu ne'ebé maka halo ona mai ha'u no ba ha'u nia família ne'ebé besik nafatin. Abrasu ida", refere hosi João Félix.
João Félix hanesan portugés daruak ne'ebé maka manán prémiu ne'e, hafoin Renato Sanches, iha tinan 2016, tinan ne'ebé maka sai hosi Benfica ba Bayern Munique.
Fonte: Ajénsia Lusa