Futebolista mate hafoin marka golu
Peter Biaksangzuala mate hafoin haksoit no monu sala.
Futeból indianu hasoru triste. Iha Tersa, bainhira golu ida marka husi Peter Biaksangzuala, jogadór FC Bethlehem Vengthlang hasoru Chanmari West FC (divizaun datoluk indiana nian), sai kontente liu no hetan trajédia. Jogadór koko haksoit maibé monu no kakorok kona iha rai.
Markadór iha minutu 62 jogu bainhira médiu ho tinan 23 halo golu empata (1-1) ba ninia ekipa, hafoin hetan bola livre. Futebolista kontente hodi haksoit no ikus mai hetan pior, ida ne’e la sufisiente no nia baku kakorok iha rai.
Jogadór monu kedas iha relvadu no sira ninia maluk, foin hatene katak susedidu, hodi sira bolu kedas asisténsia médika. Iha ospitál, diagnostika ona ba Peter Biaksangzuala lezaun vertebral, maibé ninia situasaun komplikadu no to’o ikus mai nia mate.
Jogu kontinua no Chanmari West FC manán jogu (3-2). Iha omenajen ba jogadór, dorsal númeru 21 ne’ebé hasai husi FC Bethlehem Vengthlang no sei la uza ona iha futebolista.
Ida ne’e mak primeira vez jogadór ida mate hafoin halo festa hodi haksoit. Futebolista indianu nia mate bele hamoris fali kestaun kona-ba halo festa no perigu ba integridade fízika atleta sira.
Fó hanoin katak Nani, nu’udar espesialista balun mak festeja hodi haksoit, bandu atu halo nune’e bainhira hatama golu hanesan momentu akrobátiku ida ne’e husi Alex Ferguson. Iha mementu ne’eba, treinadór Manchester United dehan jogadór bele monu no hetan lezaun.
SAPO TL ho SAPO Desporto