Futebolista sira hosi selesaun australianu simu hanesan ona ho mane sira
Futebolista sira hosi selesaun australianu sei simu saláriu hanesan ho jogador sira hosi reprezentasaun mane nian, iha konsekuénsia hosi akordu ida ne'ebé asina iha loron-kuarta ne'e entre atleta sira ho federasaun australianu.
Senáriu ida ne'ebé sei permiti atu internasional sira hanesan Sam Kerr ho Ellie Carpenter simu folin hanesan ho 'estrela sira' hosi selesaun mane nian hanesan Aaron Mooy ho Mat Ryan, futebolista hosi inglés sira Brighton.
"Futebol hanesan jogu koletivu ida no akordu ne'e konstitui tan hakat ida iha adopsaun hosi valor sira igualdade nian, integrasaun ho igualdade ba oportunidade sira", refere hosi prezidente Federasaun Australianu Futebol nian, Chris Nikou.
Paktu ne'ebé estabelese iha loron-kuarta ne'e, vale ba tinan haat, permiti ba atu jogadora sira bele halo viajen iha klase ezekutivu.
Selesaun rua, feto ho mane nian, simu 24% hosi reseita sira ne'ebé sira hetan no kualifikasaun feto nian ba Mundial sri fahe ba nia jogadora sira liu 10%, pasa hosi 30% ba 40%.
Austrália sai hanesan ezemplu nafatin iha asuntu ba igualdade salarial entre mane sira ho feto sira iha desportu, halo ona medida hanesan iha tinan hirak ikus ne'e iha atleta sira netball ho kriket nian.
Fonte: Ajénsia Lusa