Gaitán husik futebol xinés no asina ho norte-amerikanu sira Chicago Fire
Internasional arjentinu Nico Gaitán, eis-futebolista hosi Benfica, sei joga iha norte-amerikanu sira hosi Chicago Fire, fó sai hosi Dalian Yifang, klube ne'ebé uluk avansadu ne'e reprezenta, iha loron-kinta ne'e.
Gaitán, tinan 31, hakotu esperiénsia iha Xina, ne'ebé dura tinan ida, bainhira mai hosi Atlético de Madrid, klube ne'ebé nia nunka konsege afirma no klube ne'ebé nia joga iha 2016/2017 hafoin joga antes iha Benfica durante époka neen.
Estremu arjentinu ne'e uluk hanesan jogador importante ida iha ekipa portugeza, iha époka lima ho Jorge Jesus no époka ida ho Rui Vitória, ne'ebé nia konkista ona kampeonatu tolu, tasa Liga lima, tasa Portugal ida ho Supertasa ida.
Iha Atlético de Madrid, nia joga jogu hamutuk 36 iha époka dahuluk no marka ona golu haat maibé dalabarak hanesan suplente utilizadu.
Iha Chicago Fire, ekipa ne'ebé iha époka ikus falla faze ikus hosi Liga norte-amerikanu futebol nian (MLS), bainhira hotu iha fatin 10 no iha fatin penúltimu hosi Konferénsia Este, Gaitán sei hasoru ho médiu alemaun Bastian Schweinsteiger.
Iha ekipa Chicago sei hasoru mós Marcelo, defeza ne'ebé foin to'o iha époka ne'e to'o iha Sporting, mai hosi Rio Ave, maibé iha fulan-Dezembru husik tiha Sporting.
Fonte: Ajénsia Lusa