Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 22.07.19

Gareth Bale bele sai hosi Real Madrid iha loron hirak tuirmai

SAPO TL

Futebolista galés Gareth Bale bele husik Real Madrid iha loron hirak tuirmai ne'e, hatete hosi treinador hosi ekipa española, Zinedine Zidane, iha loron-sábadu ne'e, bainhira la inklui nia iha jogu ho Bayern Munique ne'ebé Real Madrid lakon ho 3-1.

bale_real_madrid.jpg

Hafoin jogu hosi kompetisaun pré-temporada International Champions Cup, iha Houston, Estadus Unidus, ne'ebé marka ona estreia hosi belga Eden Hazard iha "merengue sira", Zidane justifika ona exkluzaun hosi avansadu.

"Nia la tama iha ekipa tanba klube serbisu hela hodi prepara nia saída. Tanba ne'e maka nia la joga. Ita hein saida maka akontese iha loron hirak tuirmai, bele akontese ona abam [loron-segunda], bainhira akontese, ha'u hein katak sei hanesan di'ak, ba ema tomak, no sei hanesan lalais", afirma hosi Zidane.

 

Iha enkontru ne'ebé halo iha NRG Stadium, Corentin Tolisso, iha minutu 15, Lewandowski, iha minutu 67, ho Serge Gnabry, iha minutu 69, marka ona golu sira hosi bávaru sira, ne'ebé aliña iha inísiu ho Renato Sanches, bainhira Rodrygo hamenus ba madridista sira iha minutu 81.

Bale, ho tinan 30, Real Madrid kontrata iha tinan 2013 hosi Tottenham, ho folin euro millaun 100, no vínkulu válidu ida ho klube españól to'o Juñu 2022.

 

Fonte: Ajénsia Lusa

Comentar:

CorretorEmoji

Se preenchido, o e-mail é usado apenas para notificação de respostas.