Seg | 18.05.15
'Golaço' Messi fó títulu ba Barcelona iha Madrid
SAPO TL
Lionel Messi maka sai desizivu iha Madrid no fó 23ª títulu hosi Liga espanhola ba Barcelona.
Foto: César Manso
Lionel Messi selebra golu vitória hasoru Atlético Madrid
Barcelona iha loron-Domingu ne’e manán Atlético Madrid 1-0, iha Estádio Vicente Calderón, no sai kampeaun nasionál España hodi manán 23º títulu ba ninia palmarés.
Golu úniku hosi 'klásiku' 37ª jornada ne’ebé aponta hosi inevitável Lionel Messi. Hafoin primeira parte la marka golu, internasionál arjentinu halo diferensa no halakon Oblak ba pasajen hosi minutu 65.
Ho rezultadu ida ne’e maka, Barcelona garante tan títulu kampeaun españól ida no sai susesu ba adversáriu.
SAPO TL ho SAPO Desporto