Golu lima hosi Ronaldo 'La Maquina' iha goleada Real
Cristiano Ronaldo horikalan marka golu lima hosi golu ualu ninian Real Madrid.
Foto: EPA/Juan Carlos Hidalgo
Ronaldo marka golu lima iha goleada Real
Real Madrid, iha loron-Domingu, manán Granada 9-1, iha jogu 29.ª jornada kampeonatu españól, ne’ebé hala’o iha Estádio Santiago Bernabéu.
Jogu ne’ebé hahú iha tuku 11 oras portugés nian, iha Domingu Páskoa, no galés Gareth Bale loke markadór iha minutu 25, iha dadeersan ida ne’ebé fásil ba merengés sira.
Hafoin liu tiha minutu ualu, estrela enkontru nian, Cristiano Ronaldo, marka golu tolu. Avansadu portugés ne’ebé book rede baliza Granada nian iha minutu 30’. 36’ no 38’.
Real Madrid ba intervalu hodi manán 4-0.
Iha tempu daruak nian, Ronaldo halo tan golu ida (54’) no fransés Karim Benzema halo golu rua (52’ no 56’).
Robert Ibañez marka golu iha minutu (74’) onra ba Granada no Mainz halo autu-golu (83’), konfirma ba Páskoa difísil ba ekipa sul España nian.
Besik jogu remata, internasionál portugés sei kompleta ho golu, nune’e fó rezultadu iha 9-1.
Ho rezultadu ne’e, Real Madrid nafatin sai segunda pozisaun, provisoriamente ho pontu ida hosi líder Barcelona.
SAPO TL ho SAPO Desporto