"Guardiola haree ha'u ladi'ak", dehan Mandzukic
Jogadór kroata joga husi tinan 2012 no 2014 iha Bayern Munique.
Foto: DANI POZO / AFP
Avansadu ho tinan 28 kumpri ninia tempu dahuluk iha Atlético de Madrid.
Mandzukic so’e liafuan ba ninia eis-treinadór Pep Guardiola iha entrevista ba jornal ‘Sportske Novosti’. Agora jogadór Atlético de Madrid kritika tékniku españól ne’ebé haree nia ladi'ak iha Bayern Munique.
“Guardiola halo ha’u laran taridu, nia haree ha'u ladi'ak. Nia lakohi ha’u atu sai markadór ne’ebé di’ak liu husi Bundesliga. Mai ha’u, buat hotu la’o di’ak tebes ho Jupp Heynckes (…) Ha’u merese trata di’ak hanesan tanba ha’u mak fó buat hotu husi Bayern durante tinan rua. Ha’u hanoin katak buat barak sei muda bainhira Guardiola to’o mai. Ha’u koko adapta ha’u-nia aan, maibé husi parte rua presiza iha ézitu”, nia hatete klaru.
SAPO TL ho Sapo Desporto