Hafoin Lazio, agora Fiorentina maka hatudu interese iha Fejsa
Médiu sérviu iha pretendente sira iha Itália no karik bele hatete adeus ba klube Luz nian.
Foto@ Manuel de Almeida/EPA
Fejsa karik hetan ona interese hosi Itália. Hafoin Lazio hatudu ona interese iha nia konkursu, agora Fiorentina maka hakarak kontrata jogador Benfica ne'e nian.
Tuir avansa hosi jornal O Jogo, ne'ebé haktuir imprensa italianu, hafoin fa'an Borja Valero ba Inter Milaun, klube "viola" buka jogador hodi hametin meiu-kampu no Fejsa tama iha lista ne'e, tanba hanesan jogador ida ne'ebé diretor-jeral Fiorentina nian, Pantaleo Corvin, gosta.
Maibé, publikasaun avansa katak Benfica lakohi husik jogador sai, katak iha konfiansa tomak hosi Rui Vitória. Ho de'it folin ida besik euro millaun 35 maka bele halo "mean sira" loke liman ba Fejsa.
Ljubomir Fejsa halo ona jogu hamutuk 96 ho emblema Benfica nian, sai de'it hanesan suplente iha okaziaun hamutuk 15.
@SAPO Desporto