Harden hanesan jogador NBA dahuluk ne'ebé marka pontu 30 ba adversáriu hamutuk 29
James Harden, iha loron-tersa ne'e, sai ona hanesan jogador dahuluk ne'ebé marka pelumenus pontu 30 ba adversáriu hamutuk 29 iha époka hanesan hosi Liga norte-amerikanu basket nian (NBA), bainhira aponta 31 hasoru Hawks, iha Atlanta.
Jogador hosi Houston Rockets, ne'ebé lidera tabela hosi markador di'ak liu hosi prova, ho pontu 35,8 tuir enkontru, konsege ona mínimu ida hosi pontu 30 hasoru ekipa ida-idak hosi ekipa hamutuk 28, falta de'it Atlanta Hawks.
Will Chamberlain, ne'ebé aliña iha NBA entre 1959/60 ho 1972/73, hakotu époka oioin ho pontu 30 ka pontu barak liu hasoru oponente sira hotu maibé iha momentu ne'ebá ekipa sira hanesan oituan.
Jogador hosi Rockets, ne'ebé hakotu jogu ho pontu 31, asisténsia 10 ho resaltu ualu, iha minutu 33.28, to'o ona iha temporada ne'e ba pontu 30 iha 48 hosi enkontru hamutuk 67 ne'ebé maka nia partisipa ona, koresponde ba 71%.
Iha jogu hamutuk 19 ne'ebé maka nia la to'o pontu tolunulu resin iha 16 hetan ona pontu hamutuk 20, marka ne'ebé nia falla de'it iha okaziaun tolu.
Iha 2018/19, James Harden hetan ona rejistu di'ak daruak hosi jogu konsekutivu sira hodi marka pelumenus pontu hamutuk 30, fiksa iha jogu hamutuk 32. Chamberlain de'it maka halo di'ak, ho 65 ne'ebé nunka repete.
Hasoru Atlanta, ne'ebé iha susesu mós iha Rockets Clint Capela, ho pontu hamutuk 26 no resaltu 11, no Danuel House Jr., autor hosi pontu 19, inklui "triplu" neen. ‘Rookie’ Trae Young lidera ona anfitriaun sira, ho pontu 21 no asisténsia hamutuk 12.
Iha jogu sira seluk hosi ronda, destaka ba bikampeaun iha títulu Golden State Warriors, ne'ebé manán ona hasoru Minnesota Timberwolves ho 117-107, ho pontu 36 hosi Stephen Curry, no metin ona iha lideransa hosi Konferénsia Oeste.
Iha parte seluk, Milwaukee Bucks reforsa ona postu dahuluk iha Este, bainhira manán hasoru Los Angeles Lakers (115-101), ne'ebé tuir konta sai ona hosi ‘play-offs’. Hafoin final konsekutivu dala ualu, LeBron James falla faze desizaun sira nian.
Fonte: Ajénsia Lusa