"Ha’u la komprende tanba saida mak klásiku sei hala’o iha sábadu"
Real Madrid sei simu no joga hasoru Barcelona iha loron sábadu ba iha jogu dala sia ninian husi kampeonatu españól.
Foto: PAUL ELLIS / AFP Ronaldo selebra golu hasoru Liverpool
Barcelona joga iha loron-tersa kontra Ajax no Real Madrid iha loron-kuarta ho Liverpool, ekipa rua ne’e joga iha Liga Kampeaun. Tanba ne’e mak Cristiano Ronaldo prefere katak klásiku españól hala’o iha loron-domingu.
"Ha’u la komprende tanba saida mak klásiku ne’e tenke hala’o fali iha loron-sábadu hafoin ami jogu tiha horisehik. Sira la kuidadu didi’ak ba buat hirak ne’e ba jogu importante. Ha’u la komprede.
Jogu ho kásiku tuir loloos tenke haree didi’ak. Tuir lolos jogu hahú iha loron-domingu. Kualkér profisionál hatene katak laiha ema ida mak bele ekupera iha loron rua ká loron tolu nia laran, hafoin halo jogu ida hanesan ne’e ", dehan Cristiano Ronaldo.
Kona-ba duelo Messi-Ronaldo, hatán simples.
"Ha’u la joga kontra Messi, ha’u joga kontra Barcelona", nia deklara.
SAPO TL ho SAPO Desporto