Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 09.10.19

Hein prezensa hosi feto na'in 3.500 resin iha jogu futebol iha Iraun

SAPO TL

Hein prezensa hosi feto na'in 3.500 resin iha loron-kinta iha jogu entre selesaun sira Iraun ho Kamboja, iha Teeraun, ne'ebé sei marka final hosi bandu ne'ebé halo iha tinan 1979 ne'ebé nega asesu ba feto sira hodi asisti jogu sira futebol nian.

bandeira_irao.jpg

Abertura hosi estádiu sira ba feto sira akontese iha semana balun hafoin joven iranianu Sahar Khodayari, tinan 29, sunu nia aan iha tribunal ida nian oin iha Teeraun, ne'ebé ikusmai nia mate, hafoin hetan kondenasaun ba kadeira fulan neen tanba tenta asisti jogu ida.

 

Sahar Khoyadari nia mate hamosu "laloran" protestu sira iha rede sosial sira, ho figura koñesidu oioin husu ba FIFA atu hasai Iraun hosi kompetisaun internasional sira ho atu adeptu sira la asisti jogu sira.

Maibé, delegasaun ida hosi FIFA desloka ona ba kapital iranianu hodi hasoru malu ho responsável governamental sira no hatete katak simu ona garantia sira katak feto sira sei hetan autorizasaun hodi tama iha estádiu sira.

 

Tuir ajénsia iranianu notísia nian, billete sira ba jogu kualifikasaun ba Mundial2022, sei halo iha estádiu Azadi, ho kapasidade ba ema hamutuk 80.000, fa'an hotu ona no "garanti ona prezensa hosi feto na'in 3.500 resin".

Dezde tinan 1979, hafoin revolusaun islámiku, maka feto sira hetan bandu hodi labele tama iha estádiu sira, ho justifikasaun ofisial maka hodi proteje sira hosi mane sira.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.