Hela de'it golu ida atu Ronaldo hetan tan rekord ida
Portugés bele halakon Jimmy Greaves hanesan markador di'ak liu hosi liga europeia prinsipal sira.
Cristiano Ronaldo sai ona hanesan markador di'ak hosi liga europeia prinsipal lima (Premier League, La Liga, Serie A, Bundesliga ho Ligue 1), kontabiliza golu hamutuk 366 hanesan ho Jimmy Greaves.
Maibé, internasional portugés bele asumi lideransa izoladu hosi ranking ne'e iha temporada ne'e, liuliu iha loron-kuarta ne'e, ho Celta de Vigo, ka iha loron-domingu oinmai, hasoru Málaga, jogu rua ne'ebé falta halo to'o final liga española nian.
Bainhira la akontese, avansadu hosi Real Madrid bele tama iha tronu izoladu hosi goleador sira iha époka 14 (neen iha Inglatera no ualu iha España), hafoin Greaves halo iha 16 (15 iha Inglatera no ida iha Itália).
Hanoin hikas katak, iha findesemana ikus ne'e, ho golu rua ne'ebé halo hasoru Sevilha, Ronaldo sai ona hanesan jogador dahuluk to'o iha golu ofisial hamutuk 401 hosi klube "merengue".
@SAPO Desporto