"Iha de'it jogadór alemaun ida maka atu hanesan Ronaldo" - Carlo Ancelotti
Tékniku Real Madrid nian konsidera katak portugés hanesan favoritu maka'as atu hetan troféu.
Foto: Gerard Julien/AFP
Carlo Ancelotti aponta fali Cristiano Ronaldo hanesan favoritu maka'as hodi hetan Bola Osan-mean. Tékniku Real Madrid nian fiar katak sei iha mós jogadór alemaun sira iha fatin simeiru ne'e maibé prémiu ne'e sei fó duni ba portugés.
"Iha de'it jogadór alemaun ida maka atu hanesan Ronaldo tanba sira mana'an Mundiál. Ha'u la fiar katak sei iha seluk", italianu ne'e hatete iha konferénsia imprensa.
Ancelotti konkorda mós ho deklarasaun sira hosi prezidente Florentino Perez, ne'ebé aponta Ronaldo hanesan herdeiru dignu Di Stéfano nian.
"Ha'u hanoin ne'e loos. Ita hotu hatene saida maka Di Stéfano halo ba klube ne'e no ha'u senti katak sei hanesan motivasaun ida ba futuru. Ha'u fiar katak nia merese", Ancelotti hatutan.