Iha Madrid senti ona saudade ba Cristiano Ronaldo
Marcelo hatete katak ekipa senti falta hosi markador di'ak liu hosi Real Madrid.
Real Madrid manán Girona ho 4-1, tau hamutuk nune'e triunfu daruak iha edisaun atual hosi Liga Española. Maibé iha jogu nia rohan Cristiano Ronaldo maka domina liu konversa sira iha bastidor sira. Merengue sira marka ona golu neen iha jogu rua ne'ebé hala'o ona maibé Marcelo hatete katak ekipa senti falta hosi markador di'ak liu hosi Real Madrid.
"Cristiano Ronaldo hanesan ida ne'ebé maka di'ak liu iha mundu. Hanesan klaru katak ami senti Ronaldo nia falta, maibé Bale ho Benzema mós hanesan di'ak", Marcelo hatete ba imprensa hafoin vitória hasoru Girona.
Casemiro mós ko'alia kona-ba CR7. Médiu brazileiru ne'e husu Real Madrid ida ne'ebé di'ak liu hodi bele ultrapasa saída hosi portugés ne'e nian.
Lopetegui nia ekipa hetan benefísiu hosi penalti rua, marka hosi jogador na'in rua: Modric ho Sergio Ramos. Casemiro la fó balor ba informasaun ne'e. Antes, ho CR7, nia maka hanesan portugés markador ba serbisu ne'e.
"Ami iha Luka, Isco, Marcelo... Ida ne'ebé maka di'ak liu marka penalti", nia komenta.
Fonte: SAPO Desporto