Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 02.05.19

Iker Casillas hatete iha Instagram katak "buat hotu kontroladu"

SAPO TL

Guarda-rede hosi futebol españól hosi FC Porto, Iker Casillas, hatete katak "buat hotu kontroladu" no iha loron-kuarta ne'e hetan "hakfodak maka'as ida", iha publikasaun ida iha nia konta Instagram.

iker_desportutl.jpg

"Iha ne'e buat hotu kontroladu, hakfodak maka'as ida, maibé ho forsa sira inteiru. Obrigadu barak ba mensajen sira no ba domin", hakerek hosi guarda-rede españól, ne'ebé iha loron-kuarta ne'e sofre enfarte todan ida miokárdiu nian durante sesaun treinu dadeer FC Porto nian.

 

Lori kedas guarda-rede ba Hospital CUF Porto, ne'ebé halo operasaun urjente ida. "Casillas di'ak hela, estável no ho problema fuan ne'ebé rezolvidu", hakerek hosi FC Porto iha komunikadu.

Iha fulan ida resin, Iker Casillas, ne'ebé halo tinan 38 iha fulan ne'e, renova ona kontratu ho FC Porto, ne'ebé to'o iha klube iha 2015/16, hafoin halo tiha kareira tomak iha Real Madrid, no iha époka ikus ajuda ona "dragaun sira" hetan títulu nasional.

 

Iha kareira ida ne'ebé dura ona dékada rua, guardiaun konkista ona Kampeonatu Mundu dala ida ho Europeu dala rua ho selesaun española no, hamutuk ho Real Madrid sai kampeaun España nian dala lima no foti troféu Champions League nian dala tolu.

 

Iha nia kuríkulu, Casillas iha mós Kampeonatu Mundu ida klube sira nian no Supertasa Europeia rua, aleinde Tasa rua Liurai-Mane España nian.

Ho internasionalizasaun dala 167 ho España, guarda-rede tama iha lista hosi jogador sira ne'ebé reprezenta dalabarak nia selesaun.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.