Illa Sal halo preparasaun hodi hala’o Jogu CPLP ba dalima (V)
Illa kaboverdiana Sal, horisehik hahú halo preparasaun hodi hala’o edisaun V hosi Jogu Komunidade Nasaun Lian Portugés (CPLP) nian, liu hosi enkontru entre diretór desportu.
Durante reuniaun komisaun desportu CPLP ko’alia ona asuntu oioin, liu-liu kona-ba aprezentasaun relatóriu kona-ba reuniaun ikus hosi Komisaun Desportu ne’ebé hala’o iha Maputu, 2015.
Aprezenta mos relatóriu hosi komisaun Disiplina Jogu Desportiva CPLP, nune’e mos kona-ba konferénsia hosi ministru Juventude no Desportu CPLP nian.
Iha ninia intervensaun, ministra Edukasaun no Desportu Kaboverde, Fernanda Marques lakonkorda atu hala;o jogu refere iha fulan jullu, tanba iha tinan ne’e sei hala’o eleisaun tolu – lejislativa, iha 20-marsu, autárkia no prezidensiál, ne’ebé marka ona.
Tanba ne’e maka nia dehan katak provavelmente sei ho ekipa governativa seluk, maibé ho lójika lolos hosi governasaun integrada. Iha entrevista ba Lusa fulan setembru 2014, ministra ne’e konsidera katak organiza Jogu luzofonia sei sai hanesan “oportunidade bot ida” atu “hatudu nasaun ne’e ba mundu” no halo buat hotu atu hetan susesu.
Iha Kaboverde, Jogu CPLP sei hala’o iha illa tolu: Santiago, São Vicente ho Sal -, hodi aproveita no fó potensiál ba infraestrutura ne’ebé iha ona. Jogu CPLP ne’ebé hala’o ona iha Angola, 2014, halo ona atleta 590 hosi Angola, Mosambike, Kaboverde, São Tomé e Príncipe, Portugal, Brazil no Timor-Leste maka bá to’o iha kapitál angolana.
Guiné-Bissau de’it maka latama. Jogu ne’ebé hala’o desde 1992, hafoin tinan haat molok institusionalizasaun hosi Komunidade refere iha 1996, envolve ona atleta ho tinan 16, eseptu ema ne’ebé difisiénsia, ne’ebé bele disputa hosi atleta to’o tinan 20.
Kaboverde tenke lansa konkursu desportu náuitiku, ne’ebé dalabarak hala’o iha rai-laran.
SAPO TL ho Lusa