Imprensa desportivu hili Luka Modric nu'udar atleta di'ak liu iha 2018
Futebolista Luka Modric hetan ona prémiu, iha loron-kuarta ne'e, hosi Asosiasaun Internasional hosi Imprensa Desportivu (AIPS) nu'udar alteta mane di'ak liu iha mundu iha 2018.
"Ha'u agradese ba ema sira ne'ebé maka vota ona iha ha'u. Hanesan onra boot ida hodi simu rekoñesimentu espesial tebes. Ha'u senti haksolok tebes", hatete hosi médiu Real Madrid nian iha Zagreb, ne'ebé hanesan fatin hala'o entre prémiu.
Kapitaun hosi selesaun kroata manán ho pontu 419, halakon tenista sérviu Novak Djokovic ho pontu 337, ho suisu Roger Federer ho pntu 290, iha votasaun ida ne'ebé partisipa ona hosi jornalista desportivu hamutuk 359 hosi nasaun hamutuk 87.
Luka Modric manán ona Bola Osan-Mean, prémiu ba jogador di'ak liu iha mundu hosi FIFA, no konsidera mós hanesan jogador di'ak liu hosi Europa hosi UEFA.
AIPS hili mós atleta feto ne'ebé di'ak liu, jinasta norte-amerikana Simone Biles, tuir snowboarder xeka Ester Ledecká no tenista romena Simona Halep.
Fransa, vensedor hosi Mundial 2018, eleitu hanesan ekipa di'ak liu.
Fonte: Ajénsia Lusa