Inisiativa programa Tasa Primeira-Dama nian
11ª. Tasa Primeira-Dama ConocoPhillips - Prova Atletizmu no Marxa Família
Loron-domingu 02 Agostu 2015, tuku 08H00 dadeer sei hala’o 11ª. Tasa Primeira-Dama ConocoPhillips - Prova Atletizmu no Marxa Família, ne’ebé sei hahú iha Palásiu Governu nian oin iha Dili.
Eventu ne’e inklui kompetisaun atletizmu ho distánsia kilómetru 10 entre Palásiu Governu no Tasi-ibun Rai-henek mutin (ba mai), loke ba adultu mane, feto sira no kompetisaun espesiál ida ba sidadaun portadór sira ne’ebé laiha motora.
Iha enventu ida ne’e sai mós hanesan inisiativa familiár no komunitária, loke ba jerasaun hotu hotu entre labarik no idozu sira, hodi hamutuk hala’o marxa divertimentu ho distánsia kilómetru 5 entre Palásiu Governu no Tasi-ibun Metiaut nian.
Eventu ne’e mós promove dezafiu hodi halibur fundu ba atividade sosiál no umanitária hosi Rotary Internasionál no Gabinete Primeira-Dama, hodi halo kontribuisaun hodi patrosinadór, Empreza Conoco Philllips; no PEPSI Timor-Leste; no seluk seluk tan.
Programa Kooperasaun Australianu Seeds of Life (Fini ba Moris) konsege manán tinan 3 ikus ne’e ba Tasa Primeira-Dama 2012, 2013 no 2014, ho kompañia ne’ebé halo doasaun boot liu pró rata konsege iha tinan ida ne’e; sai hanesan espetativa boot ba ema sei manán Tasa iha tinan ida ne’e.
Sei fahe mós prémiu ba primeiru lugár na’in sanulun nian hosi kada kompetisaun hodi entrega Tasa sira ba prémiu tolu dahuluk (mane no feto) no sira seluk fó sertifikadu, akompaña ho bebida no lembransa.
Antesedente sira:
Eventu ida ne’e tinan tinan hala’o no ba tinan ida ne’e hala’o ba dala asanulu resin-ida, saida maka sai kompetisaun desportiva ne’ebé antigu liu hodi hala’o iha Timor-Leste.
Organizasaun eventu ne’e maka efetua hosi voluntáriu sira Rotary Internacional, ne’ebé sira prepara apoiu ba desportista sira, halo distribuisaun bebidas no hahan ba partisipante sira (cachorros quentes) no hala’o eventu kulturál ho knananuk no múzika hosi Banda Cinco do Oriente, ne’ebé sempre partisipa iha eventu ne’e.
Referénsia sira:
· Pájina Ofisiál First Lady Cup / Tasa Primeira-Dama
2012
· 19/11/2012 – Pájina Eventu 8ª. Edisaun Tasa Primeira-Dama 2012.
· 19/11/2012 – Foto sira ne’ebé hasai durante 8ª. Edisaun TasaPrimeira Dama
2013
· 06/10/2013 – Pájina Eventu 9ª. Edisaun Tasa Primeira-Dama 2013, iha Díli
· 06/10/2013 – Foto sira ne’ebé hasai durante 9ª. Edisaun Tasa Primeira-Dama 2013, iha Dili
no iha 9ª. Edisaun Tasa Primeira-Dama 2013, iha Dili
· 06/10/2013 – Vídeo sira ne’ebé halo durante 9ª. Edisaun Tasa Primeira-Dama 2013, iha Díli
2014:
· 16/11/2014 – Foto sira ne’ebé hasai durante 10ª. Tasa Primeira-Dama iha Atletizmu
