Inter hetan derrota hosi Lazio no sai ona iha Champions
Klose no Candreva marka golu hosi ekipa romana.
Lazio manán Inter iha ohin, ho 2-0, iha jogu ba jornada 36.ª futeból liga italianu nian, impede ona mehi ekipa Milan atu tama ba fatin asesu Liga Campeões.
Alemaun Mirolav Klose (minutu 08) no Antonio Candreva (84, ho penalidade) marka golu hosi konjuntu romanu, ne’ebé sa’e tan pasu ida iha lista tabela nian, klasifikasaun oitu, ho pontu 51, maibé laiha ona ambisaun tama ba liga europeia nian.
Inter okupa nafatin iha kuartu klasifikasaun ho pontu 64 hanesan, reduz vantajen ba pontu haat ho Fiorentina, treinadu hosi Paulo Sousa, nain rua bele iha asesu ba Liga Europa, maski ekipa Roberto Mancini garante tiha ona ‘passaporte’ ba iha kompetisaun ne’e.
Ho Juventus ne’ebé sai tiha ona kampeaun, jornada ne’e termina iha segunda-feira, ho jogu ne’ebé sei define postu daruak: Nápoles ( pontu 73) sei simu Atalanta, enkuantu AS Roma (71) ba hasoru Génova.
SAPO TL ho SAPO Desportu