Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 23.01.17

Jogador brazileiru sira la hatene situasaun ilegal iha selesaun Timor-Leste - Advogada

SAPO TL

Ema brazileiru sira Júnior Aparecido, Patrick Fabiano ho Rodrigo Silva, ne'ebé joga iha selesaun Timor-Leste, ne'ebé hetan akuzasaun hosi Konfederasaun Aziátiku Futebol (CAF) nian tanba ilegalidade, la hatene situasaun ne'e, haktuir hosi advogada futebolista sira ne'e nian ne'ebé haktuir hosi imprensa brazileiru iha loron-segunda ne'e. 


 



 


Informasaun ne'e fó hosi reprezentante legal hosi jogador sira ne'e nian, Cíntia Ruiz Nicolau, ba jornal brazileiru Estadão ne'ebé hatete katak sira rasik hakfodak no buka advogadu bainhira hatene kona-ba investigasaun.


 


"Sira hakfodak tebes. Bainhira hatene kona-ba investigasaun, buka kedas ajuda jurídiku. Laiha eskema ruma ho jogador ida, sira hetan kontaktu hosi autoridade sira nasaun nian, hetan sidadania no pasaporte. Sira laiha remunerasaun hodi defende Timor-Leste, sira halo asaun ne'e tanba iha mehi hodi joga iha selesaun ruma", Cíntia Ruiz Nicolau hatete.


 


Iha loron-sesta, CAF suspende ona Timor-Leste hosi edisaun Tasa Aziátiku 2023 hafoin investigasaun ida ne'ebé hatudu katak federasaun timoroan uza jogador brazileiru na«in 12 ho dokumentu falsu sira ne'ebé hatudu katak sira hanesan timoroan, no ekipa bele la tama mós iha kualifikasaun ba Mundial2022.


 


Aleinde jogador na'in tolu ne'ebé Cíntia Ruiz Nicolau reprezenta, envolve mós jogador brazileiru sira Ramon de Lima Saro, Paulo Helber Rosa Ribeiro, Diogo Santos Rangel, Paulo César da Silva Martins, Jairo Pinheiro Palmeira Neto, Felipe Bertoldo do Santos, Jaime Celestino Dias Bragança, Heberty Fernandes de Andrade ho Thiago dos Santos Cunha.


 


"Buat ne'ebé iha maka lista ida jogador sira ne'ebé partisipa ona iha jogu no jogu sira ne'e anula tiha ona. Sira la halo krimi ida, laiha partisipasaun ruma iha asaun ne'e, tanba sira nia pasaporte hanesan válidu, ofisial. Timor-Leste hanoin katak atleta sira iha kondisaun sira hodi hetan sidadania", hatutan hosi advogada.


 


Timor-Leste nia suspensaun mosu tanba investigasaun ida hosi CAF kona-ba uza jogador brazileiru sira durante períudu kualifikasaun ba edisaun 2019 hosi Tasa Aziátiku.


 


Investigasaun hatudu katak jogador brazileiru sira rejistadu iha selesaun ho sertidaun batizmu ka nasimentu falsu ne'ebé hatete katak sira nia aman-inan ka aman ka inan moris iha Timor-Leste.


 


"Laiha ema brazileiru ida maka halo parte hosi prosesu ne'e. Hanesan de'it selesaun. Investigasaun halo de'it ho baze katak atletita sira kumpri rekizitu nesesáriu sira.Iha penalidade ba federasaun no dirijente sira maibé la'ós ba atleta sira", advogada ne'e hatutan.


 


Situasaun ne'e halo suspensaun ba Timor-Leste no mós selu multa ida ho folin dolar 20.000, multa no suspensaun durante tinan tolu ba sekretáriu-jeral Federasaun nian, Amândio de Araújo Sarmento, no multa ida ba funsionáriu hosi organizmu timoroan nian, Gelásio da Silva Carvalho.


 


ho Lusa

Comentar:

Mais

Se preenchido, o e-mail é usado apenas para notificação de respostas.

Este blog tem comentários moderados.