José Peseiro maka susesór Lopetegui
Tékniku portugés hakotu ona nia kontratu ho Al-Ahly no bele aprezenta ona iha tersa-feira ne’e iha estádiu "Dragão".
Foto: EPA;HUGO DELGADO;epa03366532
Tuir notísia ne’ebé fo sai hosi jornál iha Jogu segunda-feira ne’e, treinadór portugés José Peseiro hili ona hosi diresaun portista sira atu orienta FC Porto to’o époka ida ne’e remata.
Tuir liafuan ne’ebé refere iha publikasaun ne’e, treinadór portugés ho tinan 55 hakotu ona nia kontratu ho Al-Ahly no prepara ona atu servisu fali iha Portugál, hafoin orienta SC Braga iha 2012/2013 ne’ebé termina ho Taça Liga ida.
Peseiro treina Sporting iha 2004/2005, tama to’o iha finál Taça UEFA. Nia moos treina klube sira hanesan Nasional, Real Madrid (adjuntu Carlos Queiroz), Al Hilal (Arábia Saudita), Panathinaikos (Grécia), Rapid Bucareste (Roménia), selesaun Arábia Saudita, Al Wahda (Emirados Árabes Unidos) no Al Ahly (Egiptu).
SAPO TL ho Sapo Desportu