"Kombate entre Mayweather ho McGregor hanesan patétiku no bosok milionáriu ida"
Oscar de La Hoya ho Bob Arum, promotór na'in rua hosi modalidade, halo kritika ba konfrontu entre norte-amerikanu no irlandés.
Kombate sékulu nian la halo ksolok ema balun. Oscar de La Hoya ho Bob Arum, promotór koñesidu na'in rua boxe nian, konsidera ona katak luta entre Floyd Mayweather ho Conor McGregor, ne'ebé manán hosi norte-amerikanu, hanesan "bosok" ida.
"Ita bele haree vídeo hodi komprove katak buat hotu ne'ebé akontese iha ring hanesan patétiku. Hanesan ami hatete tiha ona antes, hanesan bosok milionáriu ida, permiti hosi ema sira ne'ebé tuir loloos tenki administra integridade hosi modalidade nian", hatete hosi antigu pujilista iha deklarasaun sira ne'ebé haktuir hosi jornal españól Marca.
Bob Arum, ne'ebé maka hadook tiha hosi prezidente UFA nian, Dana White, iha promosaun kombate nian, konkorda mós.
"Ha'u laiha buat foun ida hodi hatete. Ami adianta ona katak hanesan montajen ida no ezibisaun lamentável ida ne'ebé nia finalidade úniku maka lohi fã sira. Sira na'in rua hatudu espetákulu ida ne'ebé triste tebes. Ida tanba la hatene pozisiona, liuliu la hatene fó golpe ida ne'ebé labarik ki'ik sira ne'ebé hahú aprende iha jináziu bele halo. Ida seluk tanba la halakon rival hahú hosi asaltu dahuluk. Hanesan kombate ida ne'ebé anormal iha Las Vegas nia istória", hatutan hosi Arum ne'ebé haktuir mós hosi Marca.
Mayweather sei hetan osan euro millaun 291 kombate durante minutu 29 hasoru irlandés. Signifika katak 'Money' aumenta mós nia kualifikasaun, bainhira manán kuantidade ki'ik ho folin dolar millaun 12 iha minutu ida iha ring.
Fonte: SAPO Desporto