Koreia-Súl manán Bolívia iha jogu partikular
Koreia-Súl, ne'ebé orienta hosi treinador portugés Paulo Bento, manán iha loron-sesta ne'e ho 1-0 hasoru Bolívia, iha enkontru partikular ida, ne'ebé halo iha sidade súl-koreanu Ulsan.
Avansadu Lee Chung-Yong, ne'ebé aliña iha alemaun Bochum, marka golu hosi selesaun anfitriaun, iha minutu 86, hodi revela aposta ne'ebé manán hosi treinador Paulo Bento, ne'ebé lansa ona nia iha jogu iha minutu 63 hodi troka Na Sangho.
Iha loron-tersa oinmai, iha Seul, Koreia-Súl sei halo jogu partikular hasoru Kolómbia ne'ebé orienta hosi portugés Carlos Queiroz, ne'ebé iha loron-sesta ne'e estreia hanesan selesionador hosi nasaun súl-amerikanu ne'e ho vitória ida hasoru Japaun, ho 1-0.
Koreia-Súl prepara hela partisipasaun iha faze ikus hosi Kampeonatu Ázia Oriental, kompetisaun ne'ebé konta mós ho selesaun sira hosi Xina, Japaun ho Hong Kong.
Fonte: Ajénsia Lusa