Qua | 22.06.16
Kroásia interrompe rekorde invensibilidade España no manán Grupu D
SAPO TL
Kroásia manán iha ohin Grupu D Euro2016, ho 2-1 hasoru España, ne’ebé interrompe rekorde sériu españa nian durante jogu 14 sein derrota iha jogu faze finál Europeu.
Liu deit minutu hitu, Álvaro Morata halo ona vantajen ba bikampeaun europeu, ne’ebé moos laaproveita penalidade iha 72, hosi Sérgio Ramos, maibé Nikola Kalinic (45) no Ivan Perisic (87) oferese triunfu ba Kroásia.
Iha oitavus finál, Kroásia, ne’ebé soma pontu hitu, liu ida duké España, sei hasoru terseiru klassifikadu di’ak liu, enkuantu españól joga hasoru Itália.
SAPO TL ho Lusa