Kuda halai taru “Taça Sekretaria Estadu Juventude no Desportu”
Kuda halai taru ho naran “Taça Sekretaria Estadu Juventude no Desportu” iha loron 21-fevereiru-2015 sei hala’o eventu Hipódromo de Batugadé, tuku 9h00 dader.
Iha konferénsia imprensa ne’ebé hala’o ohin dader, tuku 10h00 iha Hotel Timor no konta ho prezensa hosi Prezidente Associação de Cavalos e Proprietários de Cavalos de Corrida de Timor-Leste (ACPCC-TL), Sr. Fernando Encarnação; Diretór Relações Institucionais da Timor Telecom nomós reprezentante hosi Sekretaria Estado Juventude no Desporto, Sr.Malekias, no seluk-seluk tan.
Foto: Samuel Soares @ SAPO Timor-Leste
Taça ne’e hala’o ho objetivu atu dezenvolve koperasaun no solidariedade entre sira-ninia asosiadu iha distritu oioin, nune’e mós atu promove desportu ekuino iha Timor-Leste.
Eventu ne’e organiza hosi Associação de Cavalos e Proprietários de Cavalos de Corrida de Timor-Leste (ACPCC-TL) no hetan mós apoiu hosi Sekretaria Estadu Juventude no Desporto – SEJD.
Kompostu hosi korida ne’ebé fahe ba modalidade:
- korida 3 ba klasse tradisionál
- korida 3 ba klasse nasionál
- korida 3 ba klasse internasionál
Alénde realiza korida ba kuda, sei iha mós feira lokál, espozisaun ho eventu kulturál no sosiál ba públiku.
SAPO TL ho ACPCC-TL