Liga espanñola: Sevilha manán iha ema nia kampo no sa’e ba segundu lugár
Sevilha manán iha Elche nia fatin hodi sai segundu lugár husi liga española.
Foto: Jose Jordan
Kevin Gameiro no Daniel Carriço selebra vitória Sevilha nia hasoru Elche.
Sevilha, ne’ebé horikalan manán iha Elche nia kampo, 2-0, nune’e sa’e ba segundu lugár husi Liga española futeból, aproveita primeira derrota husi Valência iha tempu mai ne’e, ba jogu dala ualu ninian.
Kolombianu Carlos Bacca (minutu 59) no fransés Kevin Gameiro (73) marka golu sevilhanu sira, ekipa ne’ebé konta ho titularidade portugés Beto no Daniel Carriço, ne’ebé hamutuk ho Diogo Figueiras hafoin intervalu.
Sevilha hetan pontu 19, hela pontu tolu atu toman líder Barcelona, liu pontu ida husi Real Madrid no pontu lima husi Valência no Atlético de Madrid.
Ba valensianu sira, ne’ebé treinadu husi portugés Nuno Espírito Santo, mak sai primeira derrota iha Liga española, ne’ebé lakon iha iha Deportivo da Corunha, ho 3-0.
Elche, ninia vez, iha postu 18.º, tun husi liña espromosaun, ho de’it pontu lima.
SAPO TL ho SAPO Desporto c/Lusa