Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 17.10.19

Lionel Messi simu "Botas Osan-Mean" daneen hosi nia oan-mane boot na'in rua nia liman

SAPO TL

Futebolista arjentinu Lionel Messi simu ona, iha loron-kinta, hosi nia oan-mane boot na'in rua, Thiago ho Mateo, "Botas Osan-Mean" daneen hosi kareira, iha serimónia ida ne'ebé halo iha Barcelona.

messi_desportotl.jpg

"Ha'u sei la konsege ida bainhira la hamutuk ho ha'u nia kompañeiru sira hosi ekipa. Prémiu ne'e hanesan rekoñesimentu ida ba ekipa tomak", hatete hosi jogador FC Barcelona nian, hodi agradese, liuliu ba prezente sira Jordi Alba ho Luís Suárez ne'ebé nia konsidera hanesan "kulpadu boot rua" tanba konkista.

 

Messi, ne'ebé iha temporada prezenta hetan ona prémiu "The Best", prémiu hosi FIFA ba jogador di'ak liu hosi époka 2018/19, hakotu troféu ne'e ba époka konsekutivu datoluk, iha époka ne'ebé komanda ona 'Barça' ba títulu daualul durante tinan 11 nia laran.

"'Champions' hanesan buat espesial, ne'ebé ami hakarak manán tinan-tinan, maibé Liga hanesan importante liu. Hanesan susar liu bainhira ladi'ak iha Liga, no iha Tasa, no hafoin ne'e sai di'ak iha 'Champions'. Ami nia objetivu liu hosi konkista buat hotu", nia esplika.

 

Arjentinu simu prémiu iha loron ne'ebé selebra tinan 15 hosi nia estreia iha ekipa prinsipal FC Barcelona nian, ho tinan 17 no loron 114, iha redutu hosi Espanyol, ne'ebé nia tama iha minutu 82, ba fatin hosi internasional luzu Deco, ne'ebé marka ona golu úniku hosi enkontru ne'e, iha minutu sia.

 

Durante serimónia, jogador 'Barça' nian hatán mós ba pergunta sira, pesoal liu, ne'ebé husik iha vídeo hosi labarik balun no iha mós posibilidade hodi asisti ba parte balun hosi espetákulu ‘Messi 10 Cirque du Soleil’.

 

Messi hakotu ba dala neen troféu, bainhira marka golu hamutuk 36 (pontu 72) iha edisaun 2018/19 hosi Liga española, kontra 33 (pontu 66) hosi fransés Kylian Mbappé (Paris Saint-Germain) iha ‘Ligue 1’, ho 26 (pontu 52) hosi italianu Fabio Quagliarella (Sampdoria) iha ‘Serie A’.

 

Iha Liga española 2018/19, arjentinu, ne'ebé halo jogu hamutuk 34, hetan dala 11 lahó buat ida, apontu dala 13 ba golu ida, "repete" iha okaziaun hitu no iha mós ‘hat-tricks’ tolu, no halo mós asisténsia hamutuk 13.

Ho konkista ne'e, arjentinu, ne'ebé hetan ona Botas Osan-Mean iha 2009/10 (ho golu hamutuk 34), 2011/12 (50), 2012/13 (46), 2016/17 (37) e 2017/18 (34), destaka mós iha lideransa hosi 'ranking' prémiu nian ne'ebé kria iha tinan 1967/68.

 

Número '10' hosi 'Barça', agora ho tinan 32, iha agora troféu rua duké portugés Cristiano Ronaldo, vensedor iha 2007/08, bainhira joga iha Manchester United, ho 2010/11, 2013/14 no iha tinan 2014/15, ho Real Madrid.

 

Iha lista hosi vensedor sira iha tan portugés na'in rua, hanesan iha postu datoluk ho tan jogador na'in hitu seluk, benfikista Eusébio, 'liurai' iha tinan 1967/68 ho 72/73, ho portista Fernando Gomes, di'ak liu iha tinan 1982/83 ho 84/85.

Brazileiru Mário Jardel, tanba golu hamutuk 36 hosi FC Porto iha tinan 1998/99 no ba golu hamutuk 42 hosi Sporting iha 2001/02, halo mós parte hosi grupu futebolista sira ho troféu rua, bainhira arjentinu Hector Yazalde iha ida, tanba golu hamutuk 46 hosi 'leaun sira' iha 1973/74.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.