Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 17.09.15

Lopetegui fó sala arbitrajen tanba empata iha Ukránia

SAPO TL

FC Porto empata bola rua ho Dínamo Kiev,  iha jogu 1ª jornada hosi Grupu G Liga Kampeaun.


 



 


Julen Lopetegui labele tur iha banku hanesan suplente iha empata FC Porto hasoru Dínamo Kiev iha Ukránia hosi bola rua. Tékniku basco haree jogu hosi bankada maibé iha finál fó ninia opiniaun kona-ba jogu ne’e, hodi kritika regularidade segundu golu nian hosi ukranianu sira. Lanse ne’ebé mosu hosi fora-de-jogu halo árbitru la hú, iha minutu 89.

"Ami joga di’ak iha segunda parte ninian. Ami kontrola jogu, dala barak ami ba to’o iha área, ami halo barak liu duke sira. Ikus mai, bainhira paresia ne’ebé jogu ne’e kontroladu, lance... iha Suísa [iha reuniaun treinadór klube nian hosi elite UEFA] ami koa’ali kona-ba lanse sira ne’e. Bainhira jogadór ba guarda-rede nian oin iha pozisaun fora-de-jogu no interfere iha asaun guarda-redes [hanesan akontese iha momentu ida ne’e], golu ne’e tenke anula tiha. Lamenta maka’as, árbitru ne’ebé la interpreta hanesan  ne’e. Pena boot ida. Jogu kontroladu hela",dehan treinadór azuis-e-brancos.

Maski empata, Lopetegui hanoin katak ekipa halo jogu di’ak ida, hasoru ekipa ida ne’ebé ritmu maka’as duke FC Porto.

"Ha’u hanoin katak ami halo jogu di’ak ida hasoru adversáriu ida ho ritmu barak liu duke ami, hanesan nível no kualidade, organizadu no alén ida ne’e adianta aan iha markadór, buat ne’ebé difikulta posibilidade atu ami manán. Halo ami sai susar tebes. Ami joga di’ak inisiativa hasoru ekipa ida ne’ebé kostuma haruka iha ninia kampo", haktuir.

FC Porto empata bola rua ho Dínamo Kiev, iha jogu 1ª jornada Grupu G Liga Kampeaun. Iha jogu seluk hosi grupu Chelsea manán Maccabi Tel Aviv 4-0.



SAPO TL hO SAPO Desportu

Comentar:

Mais

Se preenchido, o e-mail é usado apenas para notificação de respostas.