Saltar para: Post [1], Comentar [2], Pesquisa e Arquivos [3]

SAPO Desportu TL

Ter | 19.11.19

Luis Enrique fila fali ba kargu selesionador España nian

SAPO TL

Treinador Luis Enrique sei asumi fali funsaun sira nu'udar selesionador futebol España nian, ne'ebé nia husik ona hodi akompaña nia oan-feto nia moras, no substitui ona hosi adjuntu Robert Moreno, anunsia hosi federasaun española (RFEF) iha loron-tersa ne'e.

Luis Enrique.jpg

Luis Enrique, tinan 49, fila ba komando sira hosi selesaun española, ne'ebé nia sei lidera iha Euro2020, hafoin pasa fulan barak nia laran hamutuk ho família hodi apoia nia oan-feto Xana, ne'ebé mate ona iha final fulan-Agostu, ho tinan sia, tanba kankru ruin nian.

 

Regresu ne'ebé hein hosi Luis Enrique nian ba selesaun, hafoin nia antigu adjuntu Robert Moreno taka tiha kualifikasaun hosi 'roja' nian ba Euro2020, konfirma ona iha konferénsia imprensa ne'ebé halo hosi prezidente Real Federasaun Española Futebol (RFEF) nian, Luis Rubiales.

"Ami bele konfirma katak Luis Enrique fila fali ba nia postu. Iha loron 19 Juñu ha'u hasoru malu ho [José Francisco] Molina no Robert Moreno hodi esplika katak sé maka sai hanesan selesionador. Ha'u husik klaru katak bainhira Luis Enrique hakarak fila, sei fila", hatete hosi Luis Rubiales.

 

Prezidente hosi federasaun española, ne'ebé prezidi konferénsia imprensa akompaña hosi diretor desportivu José Francisco Molina, hatete ona katak Luis Enrique iha nafatin "odamatan nakloke" hosi selesaun no treinador formula ona nia hakarak hodi fila.

"Dezde nia oan-feto nia mate maka ami ko'alia iha okaziaun tolu. Ida uluk iha loron 29 hodi fó sentidu kondolénsia, hafoin reuniaun ida iha final Outubru ho horseik", hatete hosi Luis Rubiales, hodi hatutan katak Robert Moreno maka transmiti ba nia kona-ba Luis Enrique nia hakarak hodi fila.

 

Prezidente RFEF nian agradese mós ba treinador Robert Moreno ba serbisu ne'ebé dezenvolve iha selesaun española iha fulan hirak ikus ne'e no apuramentu ba faze final hosi Euro2020 ne'ebé sei hala'o iha loron 12 Juñu to'o 12 Jullu iha tinan oinmai.

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.