Saltar para: Post [1], Comentar [2], Pesquisa e Arquivos [3]

SAPO Desportu TL

Sex | 07.06.19

Makau manán Sri Lanka ho 1-0 iha pré-eliminatóriu aziátiku

SAPO TL

Selesaun futebol Makau nian, iha loron-sesta ne'e, manán Sri Lanka ho 1-0 no besik ona halo parte iha faze normal hosi kualifikasaun ba Mundial2022 bainhira hahú ona prosesu naruk ba kualifikasaun nian.

bola_baliza.jpg

Veteranu defeza Filipe Duarte, ho tinan 34, aponta ona golu úniku iha jogu, iha minutu 52, fó vantajen ba formasaun makaense ne'ebé sei defende vantajen iha Sri Lanka iha loron-tersa oinmai.

 

Makau iha pozisaun 183 iha 'ranking' FIFA nian bainhira Sri Lanka iha pozisaun 202 hosi lista ho selesaun hamutuk 211.

Duelu preliminar neen sei hatudu selesaun neen ne'ebé hafoin ne'e sei hamutuk ho sira seluk ho total ida ekipa hamutuk 34 ne'ebé sei buka fatin haat hosi kontinente ho posibilidade ba fatin ida tan liuhosi rekuperasaun.

 

Iha loron-sesta ne'e, Timor-Leste, iha pozisaun 195, sei hahú joga, ho vizita ba Malázia, iha pozisaun 168, hodi desidi eliminatóriu posterior iha uma ne'ebé sei halo mós iha loron-tersa.

 

Mundial2022, ne'ebé sei joga iha Qatar, sei hanesan daruak iha Ázia, hafoin Koreia/Japaun iha tinan 2002, no sei hanesan ikus ho selesaun hamutuk 32 tanba iha tinan 2026 sei iha nasaun hamutuk 48.

 

Maski nune'e, iha fulan ne'e, FIFA sei hasoru malu no desidi atu antesipa ka la'e aumentu ne'e ba Qatar, ne'ebé sei implika jogu balun iha nasaun viziñu ida.

Iha tinan 2026 kampeonatu mundu nian sei organiza hamutuk hosi Estadus Unidus, Kanadá ho Méxiko.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.