Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 17.07.19

Makau simu enkontru internasional hosi mestre sira kung fu nian iha Agostu

SAPO TL

Iha loron 01 to'o 04 Agostu Makau simu enkontru ida hosi mestre sira wushu (kung fu) nian, ho partisipasaun hosi mestre sira ho atleta lokal sira no hosi nasaun aziátiku oioin, anunsia hosi Institutu Desportu (ID).

kung_fu_desportotl.jpg

Wushu, ka kung du (dezignasaun dahuluk iha lian mandarin, bainhira definisaun daruak iha lian kantonés) iha modalidade atus resin, maibé enkontru iha Makau sei destaka sanda (kombate ne'ebé hanesan ho boxe) no dansa sira hosi dragaun ho leaun (ne'ebé baibain akontese iha loron sira selebrasaun nian).

Organiza hosi ID dezde tinan 2016, enkontru nia objetivu maka insentiva prátika hosi desportu antigu ne'e no atrai tan turista sira.

 

Tinan ne'e, ba dansa sira dragaun ho leaun nian, sei partisipa iha enkontru ne'e atleta lokal sira, hosi interior Xina nian, Hong Kong, Malázia, Singapura, Indonézia, Tailándia, Myanmar (antigu Birmánia) ho Vietname, informa hosi ID iha komunikadu.

 

Iha área sanda nian, aleinde atleta lokal sira, sei marka prezensa hosi atleta sira hosi Koreia-Súl, n hosi provínsia xineza rua: Fosham ho Anhui.

"Enkontru hosi Mestre sira Wushu 2019 nian", sei halo iha fatin oioin iha teritóriu, tinan ne'e iha novidade hanesan "Kampeonatu Kickboxing hosi Grande Baía", organiza hamutuk hosi Federasaun Kickboxing Makau nian.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.