Manchester United hosi Mourinho hasai rivál City iha Taça Liga
José Mourinho dada-iis di’ak ona no rezultadu ne’e sei fó tan konfiansa ba ekipa no adeptu sira. City hanaruk tan ninia krize no lamanán ona durante jogu neen.
Foto: SAPO Desporto
Manchester United hasai Manchester City iha Taça Liga. Dala ida ne’e José Mourinho di’ak liu kompara ho Pep Guardiola grasa ba golu hosi españól Juan Mata iha tempu daruak. Ne’e sai hanesan jogu daneen tuir malu maka´citizens` lamanán.
Iha Old Trafford, José Mourinho tenta aproveita aprezenta ekipa di’ak, lahanesan ho Pep Guardiola n’ebé rezolve fó titularidade ba Caballero iha baliza, Maffeo no Clichy iha defeza, Navas, Fernando, Aleix Garcia iha klaran no Ihenacho iha atake.
Iha jogu ida ne’ebé lakon tenki sai, Manchester United kria situasaun golu dahuluk iha minutu 36, no selukm hosi Ibrahimovic, kontra ida. Malok, Ihenacho laaproveita oportunidade ida iha minutu rua iha jogo sai hanesan lanse dia’ak liu ne’ebé hetan.
Fila fali hosi United intervalu ho vontade atu hasai rivál no hatudu sinál perigu dahuluk iha minutu 50. Ibrahimovic lansa ba Pogba no fransés ne'e halo remata maibé kona deit baliza. Hafoin minutu haat mosu golu ne’ebé rezolve jogu ne’e. Marcos Rojo rekupera bola, fó ba Ibra ne’ebé halakon Otamendi, nia tenta fó ba Herrera maibé bola to’o ba Mata hodi halo remata. City reklama falta dupla iha lanse maibé árbitru lapreukupa.
To’o remata, oportunidade di’ak hetan hosi United, remate Ibrahimovic sai tiha na liur, bainhira iha ona posibilade hotu atu marka.
José Mourinho dada-iis di’ak ona no rezultadu ne’e sei fó tan konfiansa ba ekipa no adeptu sira. City hanaruk tan ninia krize no lamanán ona durante jogu neen.
SAPO TL ho SAPO Desportu