Maradona "halo presaun" ba Messi ba finál
Treinadór arjentinu hatete katak Messi tenki sai "jogadór ne'ebé deisdi jogu" iha finál Maracanã nian.
Glória antigu Arjentina nian, Diego Armando Maradona, konsidera ona katak Messi tenki mosu iha finál Maracanã ninia laran hodi nune'e arjentinu sira bele mana'an Kampeonatu Mundu nian iha Brazil.
Ba "El Pibe", Messi iha obrigasaun lori Arjentina ba títulu mundiál datoluk no bele sai hanesan de'it "jogadór di'ak ida iha mundu" bainhira la konsege ezibisaun ida ho nível hanesan iha 1986.
"Iha loron-domingo Messi tenki joga hanesan ulk ha'u halo hodi foti Tasa. Bainhira nia konsege ha'u sei fó rasik tapete mean ba nia", Maradona hatete iha deklarasaun sira ba Zurda TV.
"Nia tenki sai hanesan jogadór ida ne'ebé desidi jogu. Buat ne'ebé ha'u tauk maka karik nia kolen, maibé iha jogu ne'e nia labele senti kolen. Ha'u hanoin katak nia hatene. Bainhira Messi falla iha loron-domingu, nia sei sai de'it hanesan ida di'ak liu iha mundu", Maradona hatutan.
SAPO Desporto