Maradona: "Karik lamanán, di’ak liu lalika fila"
Antigu jogadór aviza ona ba selesaun katak só fila ba Argentina karik konkista Copa América.
Foto: SAPO Desporto
Eis-futebolista internasionál arjentinu Diego Maradona avisza ona ba jogadór selesaun argentina katak labele fila ba nasaun karik lamanán domingu ne’e iha finál Copa América, hasoru Chile, iha títulu kampeaun.
“Ami tenki manán iha domingu ne’e, maibé karik ami lamanán, di’ak liu lalika fila”, hatete Maradona, tinan 55, iha entrevista ne’ebé fó sai hosi kanál arjentinu C5N, molok hatene rezultadu meia-finál entre Chile hasoru kolómbia, ne’ebé xilenu manán ho 2-0.
Argentina, ne’ebé iha meia-finál manán 4-0 hasoru Estadus Unidus, anfitriaun edisaun nian ne’ebé realiza torneiu centenário ne’e, buka rekupera tristeza ne’ebé sofre iha finál 2015, halakon hosi Chile iha markasaun penalidade (4-1, hafoin rezultadu 0-0 iha tempu prolongamentu).
SAPO TL ho SAPO Desportu