Mate ona Alfredo Di Stéfano
Jogadór lendáriu Real Madrid nian mate ona ho tinan 88.
Alfredo Di Stéfano mate ona iha loron-segunda loraik (hora lokál) iha Ospitál Gregorio Marañon, iha Madrid.
Antigu futebolista no prezidente honoráriu Real Madrid nian tama iha ospitál hahú iha loron-sábadu ne'e, hafoin sofre parajen kardíaku ida iha estrada ida besik Estádiu Santiago Bernabéu.
Di Stéfano konsideradu hanesan futebolista di'ak liu iha tempu tomak nian no hanesan símbolu loloos ida klubu "merengue" nian. Marka ona golu 216 iha jogu 282 ho Real Madrid entre tinan 1953 bo 1964.
Konksita ona títulu ofisiál 18 iha klube madrilenu, inklui kampeonatu ualu, Tasa Kampeaun Europeu lima no Tasa Interkontinentál ida. Iha nivel individuál, konkista ona dala rua Bola Osan Mean nian (iha tinan 1957 no 1958).
Real Madrid hatudu ona kondolénsia ba Alfredo Di Stéfano ninia família.
Mensajen publika iha ninia pájina ofisiál iha Internet halo ho prezidente klube ninia naran, Florentino Pérez, no hosi administrasaun madrilenu sira seluk. Aleinde família sira arjentinu nian, pézame Real Madrid nian diriji mós ba adeptu sira Real Madrid nian ne'ebé namkari iha mundu tomak.
SAPO Desporto