McGregor asina ona kontratu hodi kombate ho Mayweather
Lutador irlandés fó ona hakat dahuluk hodi hala'o kombate ida ne'ebé ema hein tebes iha tinan ne'e.
Floyd Mayweather ho Conor McGregor
McGregor halo ona nia parte.Lutador irlandés hosi arte marsial mistu asina ona kontratu hodi kombate ho Floyd Mayweather.
Konfirmasaun ne'e halo hosi Dana White, prezidente hosi UFC no promotor hosi kombate ne'e.
"Hosi McGregor nia parte halo ona, agora falta serbisu hosi parte Mayweather nian no, bainhira ami hetan akordu ida, sei hala'o luta", afirma hosi White, iha entrevista ba televizaun amerikanu TNT.
Liutiha tempu balun hafoin revelasaun hosi White, McGregor rasik konfirma asinatura hosi kontratu, liuhosi komunikadu ida ne'ebé fó sai iha nia site ofisial.
"Importante liu hosi kontratu istóriku ne'e maka ha'u asina ona tuir dalan ofisial. Ami hein asinatura hosi Al Haymon [Floyd Mayweather nia manajer] no hosi nia lutador boxe iha loron hirak tuirmai", refere hosi irlandés.
Fó hanoin katak luta ida entre Connor McGregor no Floyd Mayweather sai nafatin hanesan senáriu ida ne'ebé adeptu sira hosi desportu kombate nian hein tebes. Luta entre norte-amerikanu no irlandés sei halo iha modalidade boxe nian ne'ebé Mayweather nunka lakon ho vítoria konsekutivu hamutuk 49.
@SAPO Desporto