MegaSprinter iha Maubara, 20-outubru
Grupu Desportiva Maubara iha loron 20-outubru tinan ne’e sei realize MegaSprinter hodi konvida eskola hothotu atu partisipa.
Inskrisaun ba eskola hirak ne’ebé hakarak atu partisipa sei hala’o to’o loron 15-outubru, ohin.
MegaSprinter hala’o durante tinan 10 ona iha Portugal no ohin loron hala’o iha nasaun hothotu, ho nível aula, eskola, distritu no nasionál.
Portugés Carlos Santos, profesór edukasaun fízika no responsável hosi Federasaun Portugés Atletismu maka harii projetu Megasprinter iha Portugal.
Iha 2012, Carlos Santos mai Timór no hanorin ona Clube Desportivo Maubara hodi realize MegaSprinter, ajuda harii pista simples ida kona-ba gravilla, ho au hodi marka pista.
Hahú hosi ne’e maka Clube Desportivo Maubara organiza MegaSprinter, hodi konvida eskola seluk atu halo parte, alénde hala’o atividade regulár semana-semana nian ba labarik sira iha Maubara.
SportImpact no programa Mós Bele maka apoia ona Clube Desportivo de Maubara hodi realiza MegaSprinter no envolve eskola seluk, atu nune’e iha tina hirak tuir mai bele halo tuir projetu seluk ne’ebé nasaun refere iha, hodi ba aplika fali iha suku, aldeia, sub-distritu no distritu Timor-Leste nian, informa organizadór.
SAPO TL