Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 23.04.18

Messi "halakon" Cristiano Ronaldo iha folin finanseiru

SAPO TL

Futebolista internasional arjentinu Lionel Messi "halakon" Cristiano Ronaldo iha kuantidade osan hosi tinan 2017/2018, époka ne'ebé José Mourinho sai hanesan treinador ne'ebé simu osan di'ak liu. 

messi_desporto_tl2018.jpg

Tuir informasaun ne'ebé avansa hosi semanáriu France Football, Messi hetan ona, entre saláriu brutu, prémiu sira ho reseita publisidade sira, akumulasaun hosi euro millaun 126 no Cristiano Ronaldo hela iha euro millaun 94.

 

Iha temporada ikus, jogador portugés lidera reseita sira, ho 87,5 millaun euro, tuir Messi ho 76,5, ne'e signifika katak arjentinu nia folin aumenta liu 49,5 millaun euro.

 

Lista milionáriu hosi 2017/2018 tuir mós hosi brazileiru Neymar, ho reseita iha 81,5 millaun euro, no taka "top-5" ho Gareth Bale iha 44 millaun euro no españól Gérard Piqué ho de'it 29 millaun euro.

 

Iha treinador sira, José Mourinho, hosi Manchester United, kontinua nafatin hanesan ida ne'ebé manán liu osan, entre saláriu brutu, prémiu ho kontratu ba publisidade sira, ho 26 millaun euro iha 2017/2018.

 

Italianu Marcello Lippi, selesionado Xina nian, mosu iha pozisaun daruak, ho 23 millaun euro no iha pozisaun datoluk maka arjentinu Diego Simeone, treinador hosi Atlético de Madrid ho osan 22 millaun euro.

 

Simeone halakon Zinedine Zidane, tékniku bikampeaun europeu ho Real Madrid, ne'ebé iha 21 millaun euro, no españól Pep Guardiola, kampeaun iha époka ne'e ho Manchester City, ho 20 millaun euro.

Fonte: Agência Lusa

Comentar:

Mais

Se preenchido, o e-mail é usado apenas para notificação de respostas.