"Messi hanesan jogadór úniku"
Tékniku Barcelona elojia fali jogadór arjentinu hafoin manán iha Levante nia kampo.
Foto: LLUIS GENE / AFP
Luis Enrique, treinador do Barcelona.
Luis Enrique, treinadór Barcelona, fó elojiu maka’as ba Lionel Messi, ne’ebé marka golu iha vizita ba redutu Levante (0-5).
"Nu’udar jogadór úniku no espesiál. Bainhira bola iha nia, ninia kompañeiru sira hatene katak bele halo golu ká fó asisténsia", dehan tékniku.
Ho vitória haat iha jogu haat Liga espanhola, Barcelona haksumik sai líder iha tabela, maibé Luis Enrique fó hanoin katak temporada ne’e foin maka hahú.
"Ida ne’e agora foin maka hahú, sei iha tán alterasaun barak iha tabela. Iha jogu horisehik ninian buat hotu la’o di’ak. Jogu ida ne’ebé komplikadu tebes no ami halo jogu ne’e ho di’ak".
SAPO TL ho SAPO Desporto