Messi simu nia Bota Osan-mean ba dahaat
Futebolista arjentinu Lionel Messi simu, iha loron-sesta ne'e, nia prémiu dahaat hosi Bota Osan-mean hosi Europa, ne'ebé fó prémiu ba markador di'ak liu iha liga europeia sira nian, no lakohi ko'alia kona-ba renovasaun ho FC Barcelona.
Jogador, ho tinan 30, aponta ona golu hamutuk 37 iha Liga española iha 2016/17, halakon holandés hosi Sporting, Bas Dost, ne'ebé iha golu hamutuk 34 iha I Liga portugeza.
Iha serimónia entrega prémiu nian, ne'ebé nia hatete katak nia la konsidera nia aan hanesan "avansadu ida" maibé antes hanesan "ema ne'ebé iha sorte tanba marka golu sira" tanba kolega sira hosi ekipa, Messi lakohi ko'alia kona-ba renovasaun ho katalaun sira, hafoin aprezentador dehan tiha katak sei la ko'alia kona-ba asuntu ne'e.
Iha fulan-Jullu, klube españól anunsia katak arjentina renova ona kontratu to'o tinan 2021, hafoin ligasaun anterior hotu iha temporada prezente ne'e nia rohan, maibé kontratu foun ne'e nunka fó sai no nunka konfirma ba públiku.
Hanesan ba dala haat maka Messi manán prémiu ne'e, hafoin iha tinan 2009/10 (ho golu hamutuk 34), 2011/12 (ho golu hamutuk 50) ho 2012/13 (ho golu hamutuk 46), sempre ho de'it FC Barcelona, hamutuk ho Cristiano Ronaldo ne'ebé hetan iha tinan 2007/08 (ho golu hamutuk 31) hosi Manchester United no tinan 2010/11 (ho golu hamutuk 40), 2013/14 (ho golu hamutuk 31) ho 2014/15 (ho golu hamutuk 48), ho Real Madrid hanesan rekordista hosi galardaun ne'e.
Eusébio manán ona prémiu inaugural, iha tinan 1967/68, ho golu hamutuk 42 ne'ebé marka hosi Benfica, no iha 1972/73 ho golu hamutuk 40, ho Fernando Gomes sai hanesan jogador ne'ebé iha FC Porto hetan dala rua, iha 1982/83 (ho golu hamutuk 36) e 1984/85 (ho golu hamutuk 39).
Arjentinu Héctor Yazalde marka ona golu hamutuk 46 hosi Sporting iha 1973/74, no brazileiru Mário Jardel manán prémiu ne'e ho "dragaun sira" iha tinan 1998/99 (ho golu hamutuk 36), no hosi Sporting iha 2001/02 (ho golu hamutuk 42).
ho Lusa