Monaco 0-3 Paris Saint-Germain
Cavani no Lavezzi marka golu iha vitória PSG hasoru Mónaco.
Foto: OLIVIER ANRIGO
Edison Cavani selebra golu ida bainhira hasoru Mónaco.
Paris Saint-Germain horisehik lidera nafatin kampeonatu fransés futeból, hodi halakon 3-0 iha Mónaco nia uma, hosi portugés Leonardo Jardim, iha jogu ne’ebé hakotu ba jogu dala haat ninian.
Hafoin primeira parte la marka golu, trikampeaun gaulés sira ne’ebé hetan títulu rezolve ho golu rua hosi uruguai Edinson Cavani, iha minutu 57 no 73, enkuantu arjentinu Ezequiel Lavezzi konfirma vitória, iha minutu 83.
Iha formasaun uma nain, portugés sira Ricardo Carvalho no Bernardo Silva maka sai titulár, enkuantu Ivan Cavaleiro tama iha jogu segunda parte nian (iha minutu 70). João Moutinho no Fábio Coentrão, hetan lezaun, sira lahalo parte hosi opsaun Leonardo Jardim.
Hosi parte parisienses, destake ba estreia arjentinu Angel Di Maria (eis-Benfica), ne’ebé tama ba iha minutu 66 no asisti ninia kompatriota Lavezzi iha terseiru golu.
Ho rezultadu ida ne’e, Paris Saint-Germain, ne’ebé manán dalan haat iha jogu haat, nafatin lidera iha jogu ne’e, ho pontu tolu vantajen hasoru Rennes no Reims.
Hosi sorin seluk, no hafoin eliminasaun iha Liga Kampeaun durante semana tomak, Mónaco lakon iha ninia uma no hetan de’it pontu haat iha kampeonatu, remata jogu hetan 13.º postu.
Destake tan mós ba primeira vitória hosi Bordéus, ne’ebé simu no halakon Nantes, 2-0, no ba primeiru derota hosi Bastia, ne’ebé Saint-Étienne lakon, 2-1, iha jogu ne’ebé ikus mai reduz ba unidade sia.
SAPO TL ho SAPO Desportu