Mourinho dezvaloriza bainhira Wenger dudu nia
Foto: AFP
Chelsea venceu por 2-0 o Arsenal
Chelsea - Arsenal iha domingu hasoru insidente ki’ik ida entre José Mourinho no Arsène Wenger. Tékniku Chelsea nian ne’ebé la’o ba banku "gunners" hodi ba husu esplikasaun hafoin entrada dura husi jogadór "blue" nian. Wenger la gosta no dudu portugés. Momentu ne’e halo públiku barak mak hatene no koñesidu ba nível Mundiál.
Iha konferénsia imprensa, hafoin hahú, Mourinho dezvaloriza insidente.
"Dudu? Laiha problema. Ha’u halo buat barak sala iha futeból… maibé ida agora ne’e lae", dehan Mourinho, ho "kontente tanba bele manán ekipa di’ak ida ".
"Ami joga kontra di’ak ho Arsenal, sira halo ami joga susar, maibé ami konsege hala’o jogu ne’e laiha problema. Ami kontrola no ami sempre hetan perigu bainhira halo kontra-atake. Ami merese lori vitória", nia deklara.
Chelsea manán Arsenal 2-0 no lidera Liga Ingleza ho pontu 19, liu pontu lima duke Manchester City, tuir buat ne’ebé hatur ona.
SAPO TL ho Sapo Desporto