Mundial2014: Fens sira husi Ronaldo no antiamerikanu sira apoiu Portugal iha Fan Fest paulista
Fens Cristiano Ronaldo, brazileiru sira iha portugés no adeptu antiamerikanu sira nia oin apoiu ekipa “Portugal” durante empate 2-2, hasoru Estadus Unidus, ba Grupu G husi Mundial2014 futeból,iha Fan Fest de São Paulo.
Maski norte-amerikanu sira mai ho númeru bot liu duke portugés sira iha “palku” adeptu sira husi São Paulo, portugés sira manán ho apoiu husi nasionalidade oioin.
"Ha’u maka fens Cristiano Ronaldo desde 2004, nia maka ha’u nia ídolu bot liu, no ha’u apoiu Real Madrid tinan 20. Ohin, ha’u nia fuan hamutuk ho Portugal", afirma brazileiru José Henrique Martins, tinan 29.
“Klake” lusa sei hamutuk ho kazál malaiu ida no grupu kanadianu ida, ne’ebé sofre reviravolta norte-amerikana iha jogu tempu daruak nian.
"Ami la gosta amerikanu sira iha futeból. Ami hakarak katak ekipa ida husi América Latina atu manán Mundial, maibé, ohin, ami apoiu kontra Estadus Unidus", dehan kanadianu Melvin Corado, tinan 23.
Bainhira setubalense David André, ho tinan 29, hala’o viajen ba Brazíl hodi akompaña Mundial2014 no fó sai konfiansa katak “kapitaun” portugés Cristiano Ronaldo sei hanesan destake husi torneiu.
"Portugal sei la’o dook liu tán ba oin, ha’u iha esperansa", afirma kontabilista, ne’ebé sei ba haree iha estádiu, Brasília, bainhira selesaun lusa hasoru Gana, iha Kinta, maibé, iha Domingu kalan, nia iha Fan Fest ho kamizola Portugal no ho bandeira país nian.
Hafoin golu dahuluk husi Portugal, iha minutu lima, grupu brazileiru nian ida koko dansa ho versaun Vira. Entretantu, norte-amerikanu sira maka hahú komemora ho golu rua husi reviravolta.
"Ami sei manán, sei manán ho 2-1", tenta adivina norte-amerikanu Jason Booth, ho tinan 28, ho gravata no kolete kor Estadus Unidus nian, iha ninia belun grupu ida nia sorin.
Além norte-amerikanu sira, ekipa ne’ebé komandu husi alemaun Jürgen Klinsmann konta ona ho apoiu husi brazileiru sira balun, israelitas no mexikanu sira.
Maski empata, asegura ho golu husi Varela, iha minutu 90+5, adeptu hothotu entrevista ona hodi dehan sira fiar katak iha klasifikasaun husi “sira ninia” ekipa.
Sapo TL ho Lusa