Saltar para: Post [1], Comentar [2], Pesquisa e Arquivos [3]

SAPO Desportu TL

Ter | 05.06.18

Mundial2018: FIFA aprezenta kesar hasoru plataforma hodi fa'an billete sira

SAPO TL

FIFA aprezenta ona, iha loron-segunda, kesar ida hasoru plataforma hodi fa'an billete sira viagogo AG, iha Jenebra, tanba konkorénsia ne'ebé la seguru iha fa'an entrada sira ba Mundial2018 futebol nian, anunsia hosi organizmu iha loron-tersa ne'e.

fifa.jpg

"Iha fulan hirak ikus ne'e, FIFA simu ona kesar individual oioin, hosi asosiasaun sira ne'ebé proteje konsumidor sira no hosi estrutura sira seluk fa'an billete nian kona-ba lala'ok la klaru no lohi nian hosi viagogo AG", hakerek hosi FIFA iha komunikadu.

Nune'e, organizmu hatete katak avansa ona ho asaun kriminal ida hasoru viagogo, asegura katak hanesan prioridade seguransa hosi adeptu sira bainhira sosa entrada ba kampeonatu mundu nian ne'ebé sei halo iha Rúsia, entre loron 14 Juñu to'o loron 15 Jullu.

FIFA refere katak plataforma ofisial úniku no lejítimu hodi sosa billete sira maka iha nia site ofisial iha Internet no hatutan katak billete sira ne'ebé sosa iha plataforma sira ne'ebé laiha autorizasaun, inklui viagogo AG, sei hetan kanselamentu bainhira hetan identifikasaun.

Fonte: Agência Lusa

Comentar:

Mais

Se preenchido, o e-mail é usado apenas para notificação de respostas.